Anton Sigurður Sigríðarson

21.9.2008 | 16:56

hang me up to dry.....

"Sökum mikilla skúra og sterkra vinda, verðum við að hringsóla um Ísafjarðadjúp í smá tíma áður en við lendum"

hmmm,,, hughreystandi...svona var mín fyrsta upplifun af komu til Ísafjarðar í gær.... og viti menn ég er svo að fara aftur! Ferðin byrjar á skrautlegustu lendingu ævi minnar, en eflaust var það trú flugmanna að flugbrautin sé mýkri í stormi...si? Helga Lind tók svo á móti mér með bros á vör, mér finnst eins og ég hafi alltaf þekkt hana! Leiðin lá fyrst heim til hennar og svo strax niður á Kaffi Edinborg þar sem ég átti að halda námskeið fyrir áhugasama kaffibarþjóna. Ég byrjaði á að skoða vélina hátt og lágt og stilla hana aðeins... merkilegt að vélin var ekki merkt en það var fínt að vinna á hana. Æðislegt hvað allir eru fjölskylduvænir og vinalegir á Ísafirði (svo er líka bara fallegt fólk á Ísafirði!)....namskeiðið gekk vel fyrir sig þar sem ég sýndi þeim undirstöðuatriði í kaffigerð, meðhöndlun og þrifum á Espressovél. Þetta var hresst fólk og allir tilbúnir að læra eitthvað nýtt.

Eftir námskeiðið var haldið á smá rúnt um Ísafjörð og hinir og þessir heimsóttir. Það vill svo skemmtilega til að það var tónlistardagurinn mikli á Ísafirði og opin hús allsstaðar og maður gat kíkt inn hvar sem er á þónokkra tónlistarviðburði í heimahúsum, einnig sá ég eitt fallegasta hús Ísafjarðar, Bjarg! Ég kíkti á stórglæsilega myndlistarsýningu glerlistakonu sem voru ótrúleg, hreint út sagt, stórrglæsleg svo ég spari nú ekki stóru orðin. Einnig fékk ég að hitta hana Albertu mína, vá hvað hún hefur ekkert breyst alltaf sama yndislega Alberta...! En eitt er á hreinu að ég er að fara á Ísafjörð aftur og þá verður það road-trip með kommúnunni! sisisi!

Anna átti Ammli í gær, kom slatti af fólki og átti góðar stundir, þemað var black and shaglicious! við vorum H-e-i-t! Myndataka, kökur og fabulisness! Svo héldum við Sigga og Vala á Kaffibarinn og dönsuðum eins og óðir menn, kíktum á q-bar í hálftíma en fórum svo heim illa sátt við lífið...Sigga settist í poll og Vala reyndi að skríða ofan í húsgrunn á eftir ketti á heimleiðinni...nú skuluð þið reikna út hver var edrú af okkur! Já það var ég!

Móment kvöldsins: Sigga stendur fyrir utan leigubílastoppustöðina hjá Hlölla og ætlar að hringja í leigubíl, segir forlátlega í símann...já Góða Kvöldið það vantar bát fyrir utan Hlölla, nei ég meina Hlölla fyrir utan bát...en svo áttaði hún sig á því að hún var að reyna að panta leigubíl.... kemur Sigga kemur!