Anton Sigurður Sigríðarson

29.9.2008 | 12:35

notum orðin okkar...

Þetta er bara spurning um að velja og hafna... Ég er búinn að vera að reyna að plana hvað ég vilji gera við fríárið mitt, þ.e.a.s. áður en ég fer í háskóla.....og ég held að það sé að koma einhver mynd á þetta, það gefur að skilja að Trieste ferðin mín í nóvember setur visst strik í reikninginn en lítum bara á það sem tækifæri til að skoða annað....

Mamma ætlar að fá vinkonu sína á Nýja Sjálandi skoða fyrir mig ódýrustu flugin þannig að stefnan er tekin á Nýja Sjáland milli jóla og nýárs og þar gef ég mér tvær ti þrjár vikur til að fara þennan hring á Nýja Sjálandi og skoða hitt og þetta. Eftir það reikna ég með að fljúga beint til Argentínu og þaðan vinn ég mig upp Suður Ameríku og reyni að sjá sem flest á leiðinni. Ég reikna með að stoppa aðeins í Panama og njóta tímans með fjölskyldunni og systrum mínum. Svo held ég áfram til Mexícó og þar ætla ég að reyna að kynnats þessu kaffifólki hjá Café Europa og Café Etrusca, en þar vann vinkona mín á sínum tíma áður en hún kom að vinna með mér á te og kaffi fyrir norðan. Svo liggur bara leiðin á heimsmeistaramótið i Atlanta Georgia. Ef tími og peningar leyfa svo, þá hugsa ég að ég ráðist bara á Bandaríkin líka... það er að segja reyni að sjá sem mest þar og hver veit, kannski kappinn húrrist til Canada áður en maður kemur heim...eitthvað sem tíminn leiðir bara í ljós. Svo endar maður nú heima og reynir að vinna áður en maður fer í háskóla.

Ég held að ég sé búinn að ákveða það að byrja í viðskiptafræðinni í HR og taka eitt ár í skiptinám erlendis, þannig að það eru tvö ár hér heima og eitt úti. Held að það sé sterkur leikur að byrja hér heima og hafa svolítið traustan grunn áður en lengra er haldið. Svo veit maður aldrei, það gæti alltaf eitthvað gerst sem leiðir til nýrra ákvarðana, svona er þetta spes og skemmtilegt....

Landsliðið hélt fyrsta hitting síðasta föstudag þar sem við elduðum saman heima hjá Pálmario g prófuðum okkur áfram með ýmis brögð í matargerð, það er sterk æfing þar sem að Evrópumótið mun koma mikið inná matargerð og er einn kokkur skyldugur að vera í landsliðinu (Bóel í okkar), svo er þetta góð æfing fyrir bragðlaukana.

En annað, við höfum ákveðið að fara í smá æfingaferð til Akureyrar næstkomandi föstudag og reiknum með að keyra norður seinnipartinn og taka smá æfingu í fagsmökkun/cupping um kvöldið á te og kaffi og svo kíkjum við án efa á kaffihús. Einnig verður viðkoma í ríkinu þar sem að við ætlum að reyna að nýta laugardagskvöldið í að sulla saman í frjálsa drykki fyrir íslandsmeistaramót í "kaffi í góðum vínanda" sem haldið verður í Smáralind 26. október. Vona að ég sjái einhver ykkar þar;) En þessi ferð er hugsuð sem smá samhristingur og til að hrista okkur vel saman.

Einhverjar hugmyndir að áfengi sem fer vel saman með kaffi;)

Flokkur: Bloggar | Breytt s.d. kl. 15:56 | Facebook

Athugasemdir

Flottur titill Anton! Fíla þetta ;)

Sigga (IP-tala skráð) 29.9.2008 kl. 14:41

Takk Siggus... you know where they came from! haha

Anton Sigurður (IP-tala skráð) 29.9.2008 kl. 15:52

Ahh hvað mér líst vel á þetta ferðalag!
Það eru allir gera svo spennandi hluti og heimsækja spennandi staði núna.. Ég er að fíla þetta!
En þú ert hjartanlega velkomin í kaffi hérna í Kaliforníu á leið þinni frá Mexíkó til Kanada :) Ég myndi nú sennilega ekki þora að hella upp á venjulegt kaffi fyrir þig en ég meina, við gætum farið á Starbucks :)
Og já, til þess að svara spruningu þinni.. Þá verð ég hérna eitthvað fram á vorið, ætla bara að vera komin heim fyrir 16. júní, það er það eina sem ég veit! Og já, ég kíkji líka heim í tvær vikur um jólin...

Snædís (IP-tala skráð) 29.9.2008 kl. 16:45